જન હિત મેં જારી
ચકો સવાર સવારમાં દવાખાને ભાગ્યો...અને ડો. બકેશની કેબીનમાં ઘુસી ગયો. ----- ચકો: ડો. બકેશ...મારી મદદ કરો..મને આ જમણાં હાથની આંગળીમાં દુખાવો અત્યંત પીડા દાયક છે. કૈંક કરો. ગમે તેમ કરીને મટાડો. ડો. બકેશ: એ તારી આંગળીનો વાંક નથી. એ તારા સંપૂર્ણ જમણા હાથનો જ વાંક છે ચકો: સમજાયું નહીં ડો. સાહેબ.... આમાં હાથનો શું વાંક. ડો. બકેશ: આ એ જમણો હાથ જ છે જેના લીધે તને આ આંગળીમાં દુખાવો થાય છે. બસ એને જ કાપી નાખીએ. એટલે તને સંપૂર્ણ આરામ. ---- ચકો બેભાન થઇ ગયો પણ ડો. બકેશ મજાક નહોતા કરતા. એ ખરેખર એવું જ કરવા માંગતા હતા. આવા ડો. બકેશથી બચતા રહો. જે આંગળીનું સમાધાન કરવામાં આખો હાથ કાપી નાખવાની વાત કરે એ ડો. કમ કાર્પેન્ટર વધારે હોય. ;) જન હિત મેં જારી. એ કયાંય ન જતા. જાણવું નથી પછી ચકા એ શું કર્યું ? પછી તો ચકો કોઈ હાડવૈધ પાસે ગયો અને તેણે થોડી માલીશ કરી આપી, થોડી ચીસાચીસી કરાવી, થોડાં એક્યું પ્રેશર પોઈન્ટ આપ્યા અને આંગળીનો દુખાવો દુર કર્યો. - Kamal Bharakhda