સમજણનો ઓટલો...

આ સ્માર્ટફોન મેન્યુફેકચરર્સઓએ ખરેખર ટેલીકોમ કમ ઈન્ટરનેટ ઉપલબ્ધ ડિવાઈસ પર વધારે ધ્યાન રાખવું જોઈએ. હાલમાં લગભગ દરેક બ્રાંડ બસ પોતાના આવનાર મોડલમાં કેમેરો જ સારો કરી રહી છે.  અલ્યા ભઈ, બેટરી બેકઅપ, કોલ ડ્રોપ, પ્રોસેસર હિટીંગ, મ્યુજિક એક્સપીરીયન્સ અને બીજા ઘણા એવા મુદ્દાઓ છે જેમાં ખરેખર ધ્યાન આપવાની જરૂર છે. એમાંની કોઈ સર્વિસ ટોપ લેવલની કરો....  દિન પ્રતિ દિન.... સેલ્ફી નાં વધતા જતા ચાહકોને લીધે સ્માર્ટફોન કંપનીઓ અને અમદાવાદી વડાપાવ બનાવવાવાળાની વચ્ચે કોઈ જ તફાવત રહ્યો નથી! ઓલા ને ખબર છે કે, પાંવ ને વડુ ભલેને ગમે તેટલું વાંસી કેમ ન હોય પણ ગરમ કરીને આપી દો એટલે ભયો ભયો.... એમ જ આ સ્માર્ટફોન કંપનીઓ ફક્ત કેમેરા સુધારી સુધારીને આ ગ્રાહકોની સ્માર્ટફોન સેન્સની હોજરીને સંકોચી રહ્યા છે.  હમણાં એક પત્રકારે એપલના CEO ટીમ કુકનું ભવિષ્યમાં લોન્ચ થનાર એપલ 8 ફોન બાબતે થોડી માહિતી આપવા કહ્યું તો એમણે કહ્યું કે, અમે એપલ 8 ફોન સાથે શાનદાર કેમેરા એક્સપીરીયન્સ લાવી રહ્યા છે! અલ્યા ટોપા... શું કામ શ્રીફોટોગ્રાફરોના ધંધાની એક-બે કરો છો.  - Kamal Bharakhda