પોસ્ટ્સ

જાન્યુઆરી 11, 2018 માંથી પોસ્ટ્સ બતાવી રહ્યું છે

ચાર વર્ણો અને સ્ત્રી

એક રીતે જોવા જઈએ તો દરેક વ્યક્તિ એક સ્પષ્ટ વર્ણનો હોય એ રીતે જ તેનું વર્ગીકરણ જન્મજાત થયેલું હોય છે. વર્ણ નામનું લેબલ વ્યક્તિની મૂળભૂત આવડત અથવા કારીગરીની વિશેષતા જોઈને ચોંટાડવામાં આવે છે. ચાર વર્ણો - બ્રાહ્મણ - ક્ષત્રિય - વૈશ્ય - શુદ્ર એક પુરુષ આ ચારમાંથી કોઈ એક વર્ણ નો હોઈ શકે... પરંતુ એક સ્ત્રી આ ચારેય વર્ણની ઉપર છે. આ ચારેય વર્ણોની આવડત તેના પોતાનામાં ફૂટી ફૂટી ને ભરેલી હોય છે. - તે સવારે સ્નાન કરી પોતાના ઇષ્ટ દેવની સેવા પૂજા દરમ્યાન સ્પષ્ટ બ્રાહ્મણ હોય છે. - ઘરની સાફ સફાઈ અને તમામ બીજા કાર્યો કરી ચોથા વર્ણની ભૂમિકા અદા કરે છે. - ઘરમાં ખૂટતી વસ્તુઓ બજારમાંથી ખરીદવા માટે નીકળે ત્યારે એક વાણિયો પણ ભૂલ ખાઈ જાય એવી આવડતથી ખરીદી કરે છે - અને આખો દિવસ સમાજ, પોતાની ઈચ્છાઓ અને અંતર આત્મા સાથે લડાઈ લડી ને અને પોતાના પરિવારને પ્રાથમિકતા આપી શકે એ હેતુ થી એક ક્ષત્રિય બની બધાને પરાજીત કરી જીવન જીવતી રહે છે. શું આ રીતે સ્ત્રી આ બધાથી ઉપર નથી? તમામ સ્ત્રી તત્વોને પ્રણામ. - કમલ ભરખડા.