હિપોક્રેટ્સ
(ફેમિનિઝમ પર જોરદાર ચર્ચા ચાલી રહો હતી અને બકો અચાનક જ ધ્રુજવા લાગ્યો અને મોટે મોટે થી બોલવા લાગ્યો) બકો: તમે આખરે સ્ત્રીઓને સમજો શું? એ શું નોકરાણી બનવા જ જન્મ લે છે? એ શું પુરુષની હથેળી નીચે જ ચાલતી રહશે? તેઓને પોતાની સ્વતંત્રા છે જ નહીં? (ચકા એ બકાને શાંત પાડવા પાણીનો ગ્લાસ આપ્યો અને છાનો રાખ્યો.....અને ચર્ચાને બીજો વળાંક આપ્યો) ;) ચકા: હા, બકેશ, એ તારી વાત તો સાચી.... ઠીક છે.....અલ્યા ઓલા ટીફીનવાળાએ જમવાનું બગાડી નાખ્યું છે. શું કરું? બકો: કામ બોલ? ચકા: હું શું કેતો હતો, કાલ થી હું તારે ત્યાં જમવાનું ગોઠવવાનું વિચારું છું...બોલ....શું કે છે? બકો: અલ્યા ટોપા, આમ કેટલો ટાઈમ બહારનું જમીશ...લગ્ન કરી લે ને....એટલે તારું બધું સેટિંગ થઇ જશે.....ખાલી જમવાનું નહીં પણ બધું તારું બૈરું સંભાળી લેશે.. કપડા, વાસણ, ઘર.... ચકો: અલ્યા ટોપા.... કેમ..... તારી ધ્રુજારી ક્યાં ગઈ? કેટલા છે તમારા જેવા.......... - કમલ ભરખડા