બકા ને તેની કમ્પનીમાંથી એક પ્રોજેક્ટની ફાઈલ્સ પૂરી કરવાની જવાબદારી માથે આવી. ફાઈલ મોટી હતી અને કામ પણ ઘણું હતું. પરંતુ આટલી બધી મહેનત કરવી ઈ આ આળસુડાનું કામ નહીં. એટલે એણે થર્ડપાર્ટી/પ્રોફેશનલ્સ પાસેથી કામ પતાવવાનું વિચાર્યું. આગળના દિવસે એ લાગતાવળગતા પ્રોફેશનલ્સ એ મળ્યો પણ કામ અઘરું અને મોટું હતું એટલે બધાએ કામની કિંમત ઘણી વધારે કીધી. એટલો તો બકાનો પગારે પણ નહતો!
પણ બકો કનીમોઝીનો પણ બાપ નીકળ્યો. એણે ફેસબુકનાં એક ગ્રુપમાં એવું પોસ્ટ કર્યું કે, "ફલાણા ફલાણા પ્રોજેક્ટ બાબતે મોટું કામ છે. જેને જેને કામ કરવાની ઈચ્છા હોય એ મને પર્સનલ મેસેજ કરે!"
લગભગ ૩૦ એક લોકો એ મેસેજ કર્યો અને પછી બકા એ એમણે કહ્યું કે, "આ કામ થોડું અઘરું છે. મારે તમારી આવડત જોવી છે. એટલે હું તમને એક ટેસ્ટીંગ ફાઈલ મોકલું છું. એ પૂરી કરો એટલે પ્રોજેક્ટ તમારો"
ત્રીસે ત્રીસ લોકો બ્કાની વાત થી સહમત થયા .... અને પછી એણે ખાલી એક જ કામ કર્યું,
પ્રોજેક્ટ નાં સરખે સરખા ત્રીસ ભાગ પાડી નાખ્યાં!! અને દરેક ને ટેસ્ટીંગ ફાઈલનાં નામ સાથે મોકલી આપ્યાં.
લગભગ ૨૪ કલાક પછી દરેક ફાઈલો બકાના ઈનબોક્સમાં હતી.
પૂર્ણવિરામ
- કમલ
