અત્યારે હું ઘણાં મુસેજ વાંચી રહ્યો છું જેમાં ચાઈનાને માથે દોષનો ટોપલો ઢોળવામાં આવી રહ્યો છે. કદાચ સાચ્ચું જ હશે.
પણ આપણે એક પ્રોગ્રેસીવ માણસો છીએ જે આગળનું વિચારી શકે છે. આમ જો આવી રીતે જ ચાલતું થઇ જશે તો ચાઈના શું પણ કોઈ બાઈના. ડાઈના, અને ગમ્મે તે લલ્લુ પંજુ વાઇરસો બનાવી બનાવીને દુનિયામાં ફેલાવતા રહેશે. તો આપણે શું કરી શકીશું?
આપણે જીવનભર માટે તો લોકોને પરદેશ થી આવતા નહીં રોકી શકીએ? ક્યારેક તો નોર્મલ થશે ને બધું?
એટલે આ જ સમય છે આપણા બાળકો અને યુવકો જેઓ અભ્યાસ લઇ રહ્યા છે તેઓ આ દિશમાં વિચારવાનું શરુ કરે. આપણે એડવાન્સ થવું જ પડશે. આપણે એટલા તો એડવાન્સ થવું જ પડશે કે કોઈ પ્રકારની આપદા નું સોલ્યુશન ગણતરીની ક્ષણો માં નીકળે.
દુનિયાના ત્રણ સૌથી મોટા સ્ત્રોત
૧. જમીન (ફળદ્રુપ)
2. પાણી (નદી)
૩. માણસો (ખેડૂતો, ઈજનેર અને તબીબ)
આ ત્રણથી મોટું કશું જ નથી... જે દેશ પાસે આ ત્રણ વસ્તુઓ હશે એજ સાચો સુપર પાવર કહેવાશે. પણ આપણે સુપર પાવર ની પાઘડી પહેરીને જાવું પણ ક્યાં જો ભૂખ્યા જમાડી પણ નહીં શકીએ કે તરસ્યા ને સારું પાણી પણ નહીં પીવડાવી શકીએ?
એટલે જ આ સમય છે ચેતી જવાનો અને અભ્યાસમાં મોડર્ન વિજ્ઞાન અને પૌરાણિક વિજ્ઞાનની સમજણ ને સાથે લઈને ટેકનીક્સ વિકસાવવી પડશે. જે ક્યારેય દેશને પાછળ નહીં લઇ જાય.
બધાને ખબર છે કોઈપણ પ્રકારનો વાઇરસ, આપણી ઈમ્યુન સીસ્ટમ કરતા મોટો નથી. એજ રીતે, જો આપણો ખોરાક, અને પાણી સ્વચ્છ હશે તો દરેક પ્રકારની પરિસ્થતિઓને સંભાળી શકીશું. ઉપરાંત મોડર્ન વિજ્ઞાનનાં જોર સાથે આપણે એવી તકનીક પણ વિકસાવવી પડશે જેનાથી કોઈપણ ઉપચાર તાત્કાલિક બેઠો થઇ શકે.
એટલે અભ્યાસને એ સ્તરે પણ લઇ જવો પડશે જેમાં માહિતી સાથે સાથે પ્રાથમિક ઉપચાર અને અન્ય પ્રકારની કોમનસેન્સની જાણકારી આપવામાં આવે. ખેતી, ફૂડ ઇન્ડસ્ટ્રી, નેનો ટેકનોલોજી, બાયો ટેકનોલોજી અને હેલ્થ સેક્ટર આવનાર સમયમાં સૌથી મોટા પાયદાન પર રહેશે. સરકારશ્રી એ આ પ્રકારનો અભ્યાસ સામાન્ય લોકો સુધી પંહોચે એ સુવિધા ઘડવી પડશે. જો સરકાર આ બાબતે કશું ફેરફાર નહીં કરે તો યુવક યુવતી ઓએ ઝુંબેશ શરુ કરવી પડશે...
આજે ક્યુબા જેવડો નાનો દેશ દુનિયાના બેસ્ટ ડોક્ટર્સ આપે છે. કારણકે એ એમનાં ઈરાદામાં હતું. એટલે ઈરાદો મહત્વનો છે.
#કમલમ
