અમે બન્ને

અમે બન્ને રીસાણા હતા

એક બીજા સાથે ક્યારેય ન બોલવાનાં સમ પણ ખાધા તા 

એ મારી બાજુની ઓફિસમાં અજાણ્યાં જ કામે લાગી તી 

એક દિવસ સવારમાં 8 વાગ્યે અમે એક બીજાને ભાળ્યાં 

નજરો ટકરાણી ને હૈયાંનો આઘાત ખમાણો નઈ 

અડધી સેકેંડનાં જ એ આઘાતે વ્યસન ઉપજાવી દીધું 

દરરોજ સાડાસાત વાગ્યે હાજર થઇ જતો અને એની રાહ જોતો

આવે એટલે અજાણ્યાં જ ભટકાણા છીએ એવો ડોળ કરતો 

આંખો ને રસ મળતો અને હૃદયને કમ્પન્ન 

અમે હજુયે રીસાણા જ છીએ 

પણ આંખોથી, અદાથી અને હોઠથી એક બીજા સાથે વાતો કરીએ છીએ. 

અમે બન્ને…

#કમલમ